“ШИНЭ ХАРХОРУМ ХОТ”-ЫН ТӨЛӨВЛӨГДСӨН БАЙРШИЛД МОД ТАРИЛАА

Монгол Улсын Ерөнхийлөгч, Зэвсэгт хүчний Ерөнхий командлагч 2025 оныг “Ахлах офицер”-ын жил болгон зарласантай холбогдуулан “Төрийн цэргийн болон хууль сахиулах байгууллагуудын ахлах офицерын чуулга уулзалт”-ыг угтан хэрэгжүүлэх ажил, арга хэмжээ, Монгол Улсын Ерөнхийлөгчийн санаачилсан “Тэрбум мод”  үндэсний хөдөлгөөний хүрээнд  “Шинэ Хархорум хот”-ын ногоон байгууламж, ойн зурваст мод тарих үйл ажиллагаа төлөвлөгдсөн.

Шүүх шинжилгээний байгууллагын 25 алба хаагч “Шинэ Хархорум хот”-ын төлөвлөгдсөн байршилд Монгол Улсын Ерөнхийлөгчийн Тамгын газрын баталсан хуваарийн дагуу 2025 оны 05 дугаар сарын 29, 30-ны өдрүүдэд 100 ширхэг шинэс, 3000 ширхэг хайлаас мод тарилаа.