Нийслэлийн шүүх шинжилгээний газарт галт зэвсгийн хонгио, хошууны дээж өгч, тодорхойлолт авах иргэдэд

Цагийн хуваарь: Даваа гарагт 14:00-16:00, Пүрэв гаригт 10:00-12:00 цагт Шүүх шинжилгээний ерөнхий газрын Нийслэлийн шүүх шинжилгээний газрын B1 давхарт /Сүхбаатар дүүргийн 1-р хороо Улсын нэгдүгээр төв эмнэлгийн хойд талд, UBH Center  барилгын урд талд байрлалтай/

• Иргэний үнэмлэх /Худалдан авч буй иргэний, гэрчилгээ сунгуулах иргэний/
• Галт зэвсгийн гэрчилгээ
• Худалдах, худалдан авах гэрээ
• Галт зэвсэг /бууг зориулалтын саванд хийж, аюулгүй байдлыг бүрэн хангана./
• 2 ширхэг сум /хос гол төмөртэй бол гол төмөр тус бүрт 2 ширхэг сум/

Цагдаагийн ерөнхий газрын Бүртгэл хяналтын төвд шинээр галт зэвсэг бүртгүүлж, шинээр гэрчилгээ авах иргэний бүрдүүлэх материал:

• Галт зэвсгийн гэрчилгээ олгохыг хүссэн өргөдөл /ЦЕГ-ын Бүртгэл хяналтын төвд/
• 2*3 хэмжээтэй цээж зураг 3 хувь /одоо үеийн/
• Иргэний үнэмлэхний хуулбар /лавлагаа байж болно./
• Оршин суугаа хорооны тодорхойлолт /лавлагаа байж болно./
• Эх сурвалжийн бичиг
• Галт зэвсэг ашиглахад харшлах өвчин, гэмтэл согоггүйг тодорхойлсон эрүүл мэндийн хуудас /А/33 маягтын дагуу/
• Галт зэвсэг эзэмших, ашиглах, хадгалах, аюулгүй ажиллагааны сургалтад хамрагдсан гэрчилгээний хуулбар /ЦЕГ-ын Цагдаа, дотоодын цэргийн сургалтын нэгдсэн төв 70190092/
• Шүүх шинжилгээний ерөнхий газрын тодорхойлолт
• Даваа гарагт 14:00-16:00, Пүрэв гаригт 10:00-12:00 цагт /галт зэвсгийг гол төмөр тус бүрт хоёр ширхэг сум, иргэний үнэмлэхийн хамт/
• Гэрчилгээний үнэ 4800 төгрөгийг тушаасан баримт/дурын банкнаас 100900012038 Төрийн сангийн дансанд, хүлээн авагч: ЦЕГ-ын Санхүү аж, ахуйн алба/
• Тэмдэгтийн хураамж 10000 төгрөг тушаасан баримт/Чингэлтэй дүүргийн татварын хэлтэст эсвэл цахимаар www.itax.mta.mn сайтад нэвтэрч дараах үйлдлийг хийж төлбөрийн даалгавар үүсгэн дурын банкинд тушаана./www.itax.mta.mn сайтад нэвтрэх

www.itax.mta.mn сайтад нэвтрэх:

1. Төлбөрийн даалгавар үүсгэх гэсэн хэсгээс Улсын тэмдэгчийн хураамж гэсэн хэсгийг сонгоно.
2. Мэдээлэл бөглөх хэсэгт татварын төлөгчийн регистрийн дугаар оруулна.
3. Төлбөрийн хураамжийн төрөл хэсгээс Бусад гэснийг сонгоно.
4. Аймаг/Дүүрэг хэсгээс Чингэлтэй/Тусгай зөвшөөрөл авах төрийн байгууллага гэснийг сонгоно.
5. Сум/(хороо) хэсгээс Дүүргийн төвлөрсөн гэснийг сонгоно.
6. Хүлээн авагч байгууллага хэсгээс ЦАГДААГИЙН ЕРӨНХИЙ ГАЗАР /том фонтоор бичсэн сонголт/-ыг сонгоно.
7. Төлөх дүнг оруулна.
8. Утасны дугаар оруулна.
9. Би робот/машин/ биш гэсэн хэсгийг бөглөнө.
10. Таны утасны дугаарт код ирэх бөгөөд дурын банкинд очин гүйлгээ хийх дансны оронд тухайн кодыг бичин гүйлгээ хийж баримтаа авч болно эсвэл Бүртгэл хяналтын төвийн байрны үүдэнд байх Койск машинд тушааж болно. /1 галт зэвсэгт нэг удаа код авна./