"БИДНИЙ НӨХӨРЛӨЛ ТЭМЦЭЭН"-Д ОРОЛЦЛОО

Монгол Улсад орчин цагийн Зэвсэгт хүчин үүсэн байгуулагдсаны 104 жилийн ой, “Монгол цэргийн өдөр”-ийг угтан Төрийн цэргийн болон хууль сахиулах байгууллагуудын удирдах бүрэлдэхүүний дунд 2025 оны 03 дугаар сарын 14, 15-ны өдрүүдэд зохион байгуулагдсан “Бидний нөхөрлөл тэмцээн”-д тус байгууллагын баг, тамирчид амжилттай оролцлоо.

Тэмцээн нь “Буудлага”, “Волейбол”, “Биллиард” гэсэн спортын гурван төрлөөр зохион байгуулагдсан бөгөөд тус газрын Чанарын баталгаажуулалтын хэлтсийн дарга, цагдаагийн хошууч Г.Төгөлдөр “Карабин бууны төрөлд” I байр эзэллээ.

Баг, тамирчдад баяр хүргэе.